Біз қатысушыларымыздың дамып, басқаларды шабыттандыруды жалғастырып жатқанын мақтан тұтамыз!

Open Space 2024 байқауының жеңімпазы, «Архитектура және дизайн» кафедрасының түлегі және Satbayev University магистранты Андрей Чекмарев 3–4 курс студенттері үшін
«Open Space — идеяны стартапқа қалай айналдыруға болады және бұл дағды сәулетшілер үшін неге маңызды» тақырыбында мотивациялық дәріс өткізді.

Андрей Open Space байқауына қатысу тәжірибесімен бөлісіп, идеялардың нақты жобаларға қалай айналатынын және қазіргі сәулетшілер тек шығармашылық иелері ғана емес, жаңа буын кәсіпкерлері екенін түсіндірді.

Лайфхактар, мотивация, нақты оқиғалар — мұның бәрі студенттер арасында жаңа идеялар мен жобалардың бастау алуына түрткі болатын әсерлі кездесудің бір бөлігі болды.

Андрейге сәулет қауымдастығының дамуына қосқан үлесі мен жаңа таланттарды қолдағаны үшін алғыс айтамыз! Open Space түлектерінің тәлімгер ретінде оралып жатқанына қуаныштымыз.
Алға — жаңа стартаптарға, жобаларға және жетістіктерге!

Андрей Чекмаревтің сөз сөйлеуінен үзінділер — Instagram-да көру