2025 жылғы 29 маусым мен 2 шілде аралығында Астана қаласында студенттер мен балалар арасында AGT&KMWF “ATLANTS” халықаралық мас-рестлинг (таяқ тарту) турнирі өтеді.

Бұл маңызды спорттық шара AGT Global компаниясы мен Қазақстан Республикасының
Мас-рестлинг (таяқ тарту) федерациясының бірлескен ұйымдастыруымен өткізіледі. Турнир жас спортшылардың күш-жігерін, рухын және ұлттық спортқа деген сүйіспеншілігін паш етеді.

🏆 “ATLANTS” турнирі тек жарыс алаңы ғана емес, сонымен қатар достық, ынтымақтастық пен жаңа мүмкіндіктер алаңы болады. Бағдарламада шеберлік сабақтары, мәдени іс-шаралар мен марапаттау рәсімі жоспарланған.
Баршаңызды осы жарқын әрі ерекше оқиғаның куәсі болуға шақырамыз!