Кездесулер барысында ғылым мен спорт салаларындағы өзара іс-қимылды кеңейту, ғылыми-зерттеу бастамаларын жүзеге асыру және OPEN SPACE жоғары технологиялар инновациялық байқауын дамыту мәселелері талқыланды. Қазақстан мен Өзбекстан арасындағы ғылыми және практикалық тәжірибе алмасуға, сондай-ақ университет базасында бірлескен жобаларды іске асыруға жаңа мүмкіндіктер қалыптастыруға ерекше назар аударылды.

Қол жеткізілген келісімдер спорттық және білім беру салаларындағы ынтымақтастықты дамытуға нақты негіз қалады. Ташкент университеттері студенттер мен балалар арасында өтетін AGT & KMWF ATLANTS халықаралық мас-рестлинг (таяқ тарту) турниріне қатысуға және жарысқа студенттер құрамасын жіберуге дайын екендіктерін білдірді.

Сонымен қатар, ынтымақтастық екі ел университеттері арасындағы байланысты нығайтуға, бірлескен білім беру және ғылыми бастамаларды жүзеге асыруға, сондай-ақ спорт саласындағы халықаралық әріптестікті кеңейтуге бағытталған.
Бұл сапар Қазақстан мен Өзбекстан арасындағы әріптестікті нығайтудағы маңызды қадам болды. Ол мас-рестлинг спортын кеңінен насихаттауға, ғылым мен инновацияларды дамытуға және халықаралық спорттық іс-шаралар арқылы мәдени дипломатияны нығайтуға жаңа мүмкіндіктер ашады.