Жобалық тапсырма: Астанадағы заманауи кітапхана

Байқаудың мақсаты: Астанада білім мен инновация орталығы болатын заманауи кітапхананың жобасын әзірлеу. Кітапхана озық технологияларды қамтуы және тұрақты сәулет қағидаттарына сәйкес болуы тиіс.

Жобалау алаңы: Қатысушылар кітапханаға арналған алаңды төмендегі талаптарға сүйене отырып, өздігінен таңдай алады:

• Орналасуы: Алаң Астана қаласының шегінде орналасуы керек, тұрғындар мен туристер үшін қолжетімді болуы тиіс. Жақсы көлік қолжетімділігі бар және қала инфрақұрылымымен біріктіруге болатын аймақтар ұсынылады.
• Алаң көлемі: Ұсынылатын көлем – 0,5–1,0 гектар. Алайда, қатысушылар жоба тұжырымдамасы аясында негізделген жағдайда, басқа көлемді ұсынуға құқылы.
• Қоршаған орта: Кітапхананы қаланың мәдени-білім беру кеңістігіне интеграциялау идеясын қолдау үшін жасыл аймақтармен немесе мәдени нысандармен көршілес аумақтарды таңдаған жөн.
• Параметрлерді өзгерту мүмкіндігі: Қатысушылар жобаның жалпы тұжырымдамасына сәйкес және тұрақты сәулет мақсаттарына жауап беретін болса, таңдалған алаңның көлемі мен параметрлерін өзгертуге ұсыныс жасай алады.
• Ғимараттың көлемі: Ұсынылатын ғимарат ауданы – 5 000–7 000 м². Жобада негізделген жағдайда ауытқуға рұқсат беріледі.

Қажетті бөлмелер мен жоспарлау шешімдері:
1. Қоғамдық аймақтар:

• Басты холл: Күту аймағы, ақпараттық орталық және өзіне-өзі қызмет көрсету терминалдары.
• Көпфункциялы аймақ: Дәрістер, көрмелер және шеберлік сабақтарын өткізуге арналған бейімделетін кеңістік.
• Коворкинг аймағы: Жеке жұмыс орындары, жоғары жылдамдықты интернет, құрылғыларды зарядтау аймақтары және шоғырланып жұмыс істеуге арналған жайлы бұрыштар.
• Кафе немесе буфет: Келушілер мен қызметкерлер үшін демалып, араласуға қолайлы орын.

2. Кітапханалық аймақтар:

• Негізгі оқу залы: Кітаптар мен медиаматериалдарға ашық қолжетімділік, оқырмандар материалдарды орнында пайдалана немесе үйге алып кете алады.
• Сирек кездесетін басылымдар мен мұрағаттарға арналған залдар: Құнды материалдарды сақтау үшін қорғаныс және климаттық жүйелермен жабдықталған.
• Балалар залы: Әр жастағы балаларға арналған қауіпсіз материалдар мен интерактивті жабдықтармен жабдықталған оқу және ойын аймақтары.
• Тыныш оқу аймақтары: Өз бетінше дайындалуға және терең оқуға арналған, шулы қоғамдық аймақтардан алыста орналасқан кеңістіктер.
• Медиаорталық: Цифрлық ресурстарға, мультимедиялық жинақтарға, VR технологияларға және білім беру платформаларына қолжетімділік.

3. Білім беру және мамандандырылған аймақтар:

• Конференц-зал: 50–100 адамға арналған дәрістер, конференциялар және бейнепрезентациялар өткізуге жабдықталған.
• Оқу сыныптары мен аудиториялар: Мультимедиялық жабдықталған, оқу сабақтары мен шеберлік сабақтарын өткізуге арналған орындар.
• Арнайы жинақтар мен мұрағаттар аймағы: Зерттеулер және тарихи материалдармен, сирек кездесетін қолжазбалармен жұмыс істеуге арналған кеңістік.

4. Қызмет көрсету және әкімшілік кеңістіктер:

• Санузелдер, құрал-саймандар қоймасы және климатты бақылау мен қауіпсіздік жүйелеріне арналған техникалық бөлмелер.
• Қызметкерлер үшін әкімшілік кеңселер, демалыс аймақтары, жұмыс кабинеттері және жиналыс бөлмесі.
• Техникалық қызмет көрсетуге және жабдықтарды сақтауға арналған бөлмелер, серверлік бөлме және IT жүйелеріне арналған кеңістіктер.
• Кітапхана қоймалары.
• Келушілер мен қызметкерлерге арналған тұрақ орындары.

5. Арнайы қажеттіліктері бар келушілерге арналған аймақтар:

• Қолжетімді кірулер, санузелдер және навигациялық жүйелер: Маломобильді келушілердің ыңғайлылығы үшін.
• Интерактивті панельдер мен көрсеткіштер: Ғимарат ішінде бағдарлау үшін, сондай-ақ көру және есту қабілеті нашар адамдарға арналған арнайы жұмыс орындары.

Арнайы талаптар:

• Жаңа технологиялар: Жоба цифрлық ресурстарға қолжетімділік жүйелерін, қала ақпараттық қызметтерімен интеграцияны және болашақ қажеттіліктерге бейімделетін икемді технологиялық шешімдерді қамтуы тиіс.
• Тұрақты сәулет: Энергияны, суды, жаңартылатын ресурстарды және экологиялық таза құрылыс материалдарын тиімді пайдалану, сондай-ақ жасыл кеңістіктер мен табиғи жарықты енгізу маңызды.

Шабыт үшін мысалдар:

• Хельсинкидегі Ооди кітапханасы — мәдени функцияларды интеграциялау және ерекше дизайн үшін.
• Шэньчжэнь қаласындағы қоғамдық кітапхана — тұрақты тәсіл мен күн энергиясын пайдалану үлгісі.
• Рованиеми қаласындағы Алвара Аалто кітапханасы — солтүстік қалалардың климаттық жағдайларына бейімделу үлгісі.

Бағалау критерийлері:

• Концепцияның шығармашылық және ерекше болуы.
• Қызықты технологиялық шешімдерді қолдану.
• Алаң мен жоспарлау шешімдерін негіздеу.
• Жобаның шынайылығы мен бейімделгіштігі.
• Тұрақты сәулет талаптарына сәйкестігі.

Ескерту: Қатысушылар жобаның мақсаттарына сәйкес келетін жағдайларда ұсынылған алаң мен функционалдық аймақтардың көлемдерінен ауытқуларды негіздей алады.